DITËT E HAPURA TË LABORATORIT
Ditët e Hapura të Laboratorit në DYVÓLAB janë një ftesë e hapur për të eksploruar dizajnin, qëndrueshmërinë dhe prodhimin dixhital në një mjedis gjithëpërfshirës dhe bashkëpunues. Këto sesione ofrojnë qasje në mjetet e mbiciklimit dhe prodhimit, të udhëhequra nga ekipi i ekspertëve të DYVÓ. Pjesëmarrësit mund të zhvillojnë idetë e tyre të orientuara drejt misionit ose të drejtuara nga komuniteti, të marrin mentorim dhe të lidhen me të tjerë në sektorët kreativ, mjedisorë dhe teknologjikë.
Çdo tre muaj, DYVÓLAB nis një thirrje të hapur duke ftuar individë ose grupe të aplikojnë me një ide që trajton menaxhimin e mbeturinave në mënyrë kreative dhe bashkëpunuese, duke angazhuar palët e interesuara lokale dhe duke gjeneruar ndikim në komunitet. Projektet e përzgjedhura hyjnë në një periudhë inkubacioni tremujor, duke kaluar nga koncepti në prototip. Ditët e Hapura të Laboratorit janë praktike, të përqendruara në komunitet dhe të rrënjosura në misionin e DYVÓ për të demokratizuar qasjen në makineri, njohuri dhe inovacion.
Ditët e Hapura të Laboratorit janë pjesë e shtyllës së Aktivizmit Kreativ në DYVÓ.
PROJEKTET E VAZHDUESHME NË DITËT E HAPURA TË LABORATORIT
EKIPI PAV
PAV ka nisur një projekt inovativ që përfshin prodhimin e filamentit të printerit 3D duke ripërdorur shishet plastike. Ky filament i ricikluar do të përdoret për të printuar modele tre-dimensionale të molekulave kimike, të cilat do të shërbejnë si mjete edukative në shkolla.
ERZA & DRIERA
Erza dhe Driera po dizajnojnë lodra për fëmijë pacientë në Departamentin e Pediatrisë të QKUK-së. Lodrat po prodhohen duke ripërdorur materiale, me qëllim që t'u sjellin gëzim fëmijëve dhe njëkohësisht të promovojnë ndrgjegjësimin mjedisor.
DITËT E HAPURA TË LABORATORIT Thirrja e dytë
Thirrja e dytë për Open Lab Days është e hapur, aplikoni duke klikuar linkun poshtë.
