! SHPALLJA E TEMAVE VJETORE !

Në vitin 2025, ne vendosëm të fokusohemi në një qasje të re ndaj diskutimit për mbetjet plastike dhe ndikimin e tyre negativ ne aspektin shoqëror: "Sa plastike janë të drejtat tona humane?"

Kjo temë konceptuale nxitë reflektim mbi mënyrën se si ndotja plastike jo vetëm që shkatërron mjedisin, por gjithashtu prek drejtpërdrejt dhe në mënyrë të padrejtë të drejtat themelore të njeriut.

Mbetjet plastike nuk janë vetëm një krizë mjedisore; ato janë një kërcënim i heshtur për jetën tonë. Kur uji që pimë helmohet, kur ushqimi që hamë kontaminohet, kur ajri që thithim mbushet me mikroplastikë po preken drejtpërdrejt të drejtat tona më themelore: e drejta për shëndet, për jetë dinjitoze, për një mjedis të pastër.

Për më tepër, komunitetet më të varfra dhe të margjinalizuara janë ato që preken më rëndë nga ndotja plastike, duke thelluar pabarazitë sociale dhe ekonomike.

Përmes një serie të përmbajtjes Multimediale do të eksplorojmë sesi mbetjet plastike janë një formë e shkeljes së të drejtave të njeriut dhe bëjm mirë të pyesim veten: kur të drejtat tona preken nga një ndotës që nuk shpërbëhet, a bëhen edhe të drejtat tona të brishta, të deformuara dhe "plastike"?