MARATONA E DIZAJNIT

Maratona e Dizajnit solli katër ditë plot kreativitet, bashkëpunim dhe ide inovative që morën formë përmes dizajnit të qëndrueshëm. Pjesëmarrësit i transformuan konceptet e tyre në prototipa realë, duke eksperimentuar me materiale, funksione dhe mënyra të reja të të menduarit për produktet që na rrethojnë dhe që ne i krijojmë. Ky proces i përbashkët krijues u shndërrua në një hapësirë ku imagjinata takohet me praktikën, duke dëshmuar se kreativiteti mund të jetë një forcë e vërtetë për ndryshim.

TË KUPTUARIT PËRMES OBJEKTEVE

Punëtoria “Të Kuptuarit përmes Objekteve” mblodhi pjesëmarrës nga fusha të ndryshme për të eksploruar se si objektet që na rrethojnë ndikojnë në jetën, identitetin dhe marrëdhëniet tona.

Përmes diskutimeve, reflektimeve dhe krijimit të një zine kolektive, pjesëmarrësit zbuluan se gjërat nuk janë thjesht objekte të heshtura, por agjentë kulturorë dhe bartës të historive dhe përvojave që formësojnë mënyrën se si e kuptojmë botën.